Page 1 of 1

Tanbou nwèl nan karayib la

Posted: Thu Jan 10, 2008 5:57 pm
by Widy
Mesye ze Dam mwen ka vini ba zòt èvè oun zafè a tanbou nwèl ki fèt nan karayib la kote-m te VIP.

Mezanmi mèt fèt la peye biye avyoun ban mwen pou-m te rete jwet tanbou ba yo pou nwèl la.

Boug la se pa oun moun ki rich men li konn valè tanbou e li te bèzwen koutrèkout kout tanbou mwen nan sware li.

Sa ki te bèl sekè te ni oun koral fanm matinikèz oun dizèn konsa epi twa tanbou gwo ka ki teka akonpaye yo. Mwen menm mwen te solis lidè tanbou yo.

Te ni a peprè 200 moun nan sware la e yenki moun karayib la. Te gen ki teka pale panyòl, angle, neèrlandè kreyòl ayisyen e byensi kreyòl gwadloup.


Pa bò nou nou gen sa yo rele kantik nwèl kè yo ka jwet nòmalman èvè enstriman modèn men la se tanbou gwo ka ki te ni ki fè kè sete oun vrè chante nwèl gwadloup.

Te ni tout kalite bwason la kanta alkòl pa menm pale. Se moun la te touye kochoun, kabrit kodenn e te ni manje pou tann e konprann la.

Lò nou koumanse jwet èvè koral yo moun te kontan. Mwen menm an mwen mwen te an domèn mwen piskè tousa ki tanbou bòde tanbou a wounm tanbou a fèt se de jan dè biten mwen konnen byen.

Dèpi tou piti yo teka vin chèche mwen kay manman mwen pou te ale jwet tanbou nan bòde a moun, kon tanbou si plaj tanbou a èskirsyoun, tanbou nan fèt.

Apre sa yo fè-m fè konpetisyoun a tanbou èvè moun. Sete o plis fè fraze, o pli bèl solo o plis nouvo fraz ..etc, ki fè kè sa se pa oun biten ki ka fèm pè.

Lò-m teka jwet, sa ki fè-m pli plezi se dè wè kè de moun ki te size sòti o foun la pou vin wè ki moun ki teka konye tanbou la konsa.

Mizik la te o tòp menm e se fanm la byen chante tanbou la te an plas ay ki fè kè pate ni anyen a di.

Mwen menm an mwen, sèl kat dè vizit an mwen se " Oun tanbouye ki sòti gwadloup " dèsèfè fan-m te ba se moun la "up date" a tanbou ki ni kounyela e byensi fò-ou pli fò ki tout moun.

Mezanmi, tèlman an ba moun tanbou oun boug gwadloup ki imigre la pran mwen pou boundye gwadloup: li ka ban-m limewo tekefon li e ka di mwen dè ba oun ti moun ay li gen gwadloup li konsi m konnen tousa ki nan peyi a.

Mezanmi pannan sware ap pase alkòl ka desann e kanta manje pa menm pale.

Nou dwèt jwet apeprè 2 zè dtan e nou fè 2 pòz. Lè nou fini oun boug matiniken vini wè mwen e li di-m kè li kontan tou bònman piskè li pate janm tann oun kout tanbou kon tan mwen e se prèmye fwa li tande sa.

Dòt moun vini felisite-m piskè yo rèkonnèt yo an kout tanbou la.

Se fanm la a tou a yo

Mezanmi prèmye fwa mwen wè fanm lage kò yo konsa. Se jan dè fanm- la ki te la la, se de moun ki trè seryèz nan vi yo, men yo te tèlman byen ki fè kè oun lo bwè, yo mete yo ka danse, yo te cho.

Oun lo te an chalè e yo teka di oun lo biten malelive.

Se konsa yo mete yo ka chante " an tan lontan bondye te pechè la vyèj mari te machann pwason oun balawou rantre an fès ay se sa ki ban nou lanfan jezi" ou ankò "manman ban lè pou pran nonm an mwen: si ou baran pa douvan an ke pran-y pa dèyè".

Mezanmi fèt la fini lè landèmen maten pa kote nevè. chak moun la dòmi kon yo pe tèlman alkòl te si moun.

Mwen menm an mwen mwen touve mwen si oun chèz anba oun fèy tòl de bra balan, djòl ouvè.

On dòt biten ki etone plen moun e kontrèman a sa yo ap di si tanbou, pate ni pon goume pon joure pon kougnamanman pon zafè a bonda la.

Te gen rèspè e magre kè nou tout te diferan pateni pon move lèspri la e tout moun te an armoni èvè soun a tanbou la.

Kon mwen toujou di asou fowòm ayisyen la nan tanbou mwen pani joure pani goume pani fann tchou men byen o kontrè nèg yo ap sòti pli gran yo ka aprann oun biten menm si se nan fèt yo ye.

Widy

Posted: Sun Jan 13, 2008 12:31 pm
by Widy
Onè rèspè,

Kon Serge te mande-m oun fwa dè voye foto a sa ki sware tanbou pa bò nou, mwen ka voye ba zòt 3 video a gwo-ka èvè boun jan dè dansèz asou yo.

Sa ke ba zòt oun lide a enpòtans Gwo-ko pa si Gwadloup kounyela..

http://www.youtube.com/watch?v=Oh2QrP9d ... re=related

http://www.youtube.com/watch?v=hCMScQ9t ... re=related

http://www.youtube.com/watch?v=zOCjDQy0 ... re=related

Eskize kalite anrèjistrèman la, se LIVE yo ye.

Posted: Sat Feb 02, 2008 4:45 pm
by Widy
Mi oun ti mòso-m ka voye ba zòt. Li ka chante :

Ay Nèg -la ja pran

Nèg-la ja pran an djòl a malpalan, an djòl a meiken........etc

Se Misye Zagalo gran chantè gro-ka apre letènèl ki ka voye lavwa la.


http://fr.youtube.com/watch?v=AWJTDgoJY ... re=related

Posted: Sun Feb 03, 2008 11:14 am
by Serge
Widy.
No gen de twa jou nou pat wè ou sou fowòm. Mwen byen kontant tande w.

Mèsi anpil pou videyo sa yo. Mwen gade yo ak anpil plezi. Bèl bagay nèt! Se pa blag!


Serge