Le Premier Ministre assitera aux funérailles du Pape

Post Reply
T-dodo

Le Premier Ministre assitera aux funérailles du Pape

Post by T-dodo » Thu Apr 07, 2005 8:12 am

[quote]Le Premier Ministre assitera aux funérailles du Pape
Posté le 6 avril 2005

Gérard Latortue a quitté Port-au-Prince mercredi pour Rome. Il doit assister aux funérailles du souverain pontife qui seront chantées vendredi.

Le Premier Ministre représente le gouvernement provisoire en Italie où il doit assister aux côtés des autres chefs d'Etat et de gouvernement du mpnde entier aux obsèques de Jean Paul II.

Gérard Latortue est accompagné de son chef de protocole. A Rome il sera rejoint par les membres de la représentation diplomatique pour former la délégation haitienne.

D'autre part, l'église catholique haitienne sera représentée au Vatican par une délégation de trois Evêques.

Ce jeudi, une importante cérémonie religieuse sera célébrée à la cathédrale de Port-au-Prince en hommage au Pape Jean Paul II. La cérémonie se déroulera en p
résence des autorités gouvernementales dont le président provisoire Boniface Alexandre et des membres du corps diplomatique.


CR[/quote]

T-dodo

Post by T-dodo » Thu Apr 07, 2005 8:18 am

Kesyon mwen genyen sè ke mwen mande m si yon voyaj konsa nesesè. Ak tout pwoblèm ki genyen lan peyi a, èske kò diplomatik an Itali an pa sifizan pou represente Ayiti, amwenske gen yon opòtinite diplomatik espesial avèk tout otorite peyi etwanje ki la ke kò diplomatik paka regle?

User avatar
admin
Site Admin
Posts: 2153
Joined: Thu Nov 13, 2014 7:03 pm

Post by admin » Thu Apr 07, 2005 10:00 am

Ou konnen, Jean-Marie. Ayisyen toujou renmen ale nan gwo lantèman. Ki enterè peyi wap pale la? Bagay sa pa menm rantre an je.

Kanta pèfomans diplomatik nou menm, voye je sou atik mwen poste a sou tribilasyon konsila aysisyen an nan Baharona, nan Sid Dominikani, kote gen pi fò braceros ayisyen yo. Youn nan premye bagay gouvènman sa fè se lisansye konsil jeneral la ki te la sou Aristid la e ki tap fè yon bon travay (se avi preske tout moun ki te afè avèk li, kit se lavalasyen, kit se konvèjans, kit se 184, kit se militè demobilize, kit se braceros, kit se ayisyen dominiken, kit se dominiken ayisyen, elatriye). Misye te byen konprann ke djòb yon konsil se pa yon djòb politik tankou djòb anbasadè. Yon konsil la pou li rann sèvis leta bay tout moun ki bezwen li nan limit li genyen pou l jere resous li, san patipri politik. Men Ivon Simeyon revoke misye epi li mete nan plas li yon lòt konsil (mwen pa sonje non li nan moman map ekri a) ak Ha
rry Joseph (Radio Focus) kòm vis-konsil lan Dominikani ki rezide nan Santo Domingo. Depi nèg sa yo monte, se tankou si Baharona pa te egziste. Mwen pa konnen pou lòt konsila ki Dajabon lan Nò peyi a, si bagay yo pi bon pase sa nou konnen sou konsila Baharona a.

Anplwaye Dominiken nan konsila Baharona a pa janm peye (ap kouri sou ennan depi dènye fwa yo te resevwa ti salè yo nan men leta ayisyen). Travay konsilè pa fèt. Bil pa peye. Tout kredi biznis lokal gate. Epi relasyon bilateral ap bwè dlo. Kounyè a, mwen tande Harry Joseph ap mennen yon kanpay denigreman kont Edwin Paraison, ki te konsil jeneral e konsil Baharona tou, alòske ni dominiken ni ayisyen te satisfè sèvis misye te bay regilyèman, selon fonksyon li. Li menm mache di moun ke Edwin Paraison ap chache anpwazone li. Men nanpwen okenn moun ki konnen Paraison, yon pè episkopal ki te resevwa Pri Mondyal pou Lit Kont Lesklavaj, ki pral kwè vye koze san tèt ni pye sa yo. Men pou ki sa Harry Joseph pa kite Santo Domingo, kote gen yon konsil d
eja, epi al rann sèvis konsilè nan Baharona, kote tout bagay tonbe nan dlo nan jounen jodi a? Ki sa kò diplomatik la ap fè ak salè anplwaye li yo? Mezanmi, ou kwè se fineray kèk gwo zotobre nèg yo ap tann Santo Domingo pou yo kab make prezans yo?

Manze Choublak
Posts: 25
Joined: Sun Aug 22, 2004 8:37 pm

Post by Manze Choublak » Thu Apr 07, 2005 1:14 pm

PawOl tafya apopriye pou deklarasyon deliran sa yo...
Nou pa ta dwe menm bay pawOl sa yo enpOtans paske endividi a pa menm ke pwouve deklarasyon l yo. Pou mwen se tripotay,gason entèlektyèl ki derefize granmoun, dayè se sa gouvènman defakto a ap fè la, dilatwa. Li vle nwaye pwason an men li bliye ke pwason se nan dlo li fèt, kidonk, pwoblèm/tèt chaje yo mete peyi a ak tout alkolit li yo ap pèsiste menmsi l al jis ann EwOp.
Men, pwoblèm mwen ak nèg/entèlektyèl/pansè/politisyen nou yo : yo manke bon sans ak jijman. Yo kritike gouvènman Aristide la kont yo (li te fè anpil erè se vre...), yo di ke li pat gen yon plan gouvènans (petèt) men, èske se pa pantalon yo ke yo desann la ? Kisa yo fè mye, sinon al chèche menm moun ki te imilye yo ak tout zansèt yo pou yo rebay yo yon wont entènasyonal kab dire jouk tan mayi mi. Mwen gen lenpresyon ke grann mwen ki pat al lekOl ditou te ka fè mye.

Manzè Choublak

Jonas
Posts: 238
Joined: Sun Sep 07, 2003 11:53 am

Post by Jonas » Thu Apr 07, 2005 5:03 pm

Harry Joseph?

Vakabon sa a reprezante tout sa ki mal nan Karaktè ayisyen.

Mwen di tou sa k mal, e mwen pa ekzajere.

Mwen sonje, ke lè mwen te rete Nouyòk, mwen te konn tande pafwa yon cho vakabon sa a te gen sou "Radio Tropicale", se te nan epok premye koudeta, ak epok retou Aristide lan.

De nouvèl malpouwont sa a te konn bay, sa m ap di la a, 3/4 nouvel (swadizan) li te konn bay, se te nouvèl li te konn fè.

De pi yon moun nan zòn Nouyòk te idantifye ak Aristide; ou pito ou pa t menm bezwen idantifye w ak Aristide, si ou te yon pèsonay piblik e ou te kont koudeta a, misye atake w; bay nenpòt manti sou wou, depi sa ka nwi w.

M ap di Edwin Paraison: depi yon nonm kou Harry Joseph atake w, se bonbe pou w bonbe lestomak ou, paske depi nèg sa a atake yon moun, konnen moun sa a se yon bon grenn.

Manze Choublak
Posts: 25
Joined: Sun Aug 22, 2004 8:37 pm

Post by Manze Choublak » Fri Apr 08, 2005 11:21 am

AYIBOBO!!!
frè m pou enfOmasyon sa a. Nou bezwen moun ki plis ou mwens konnen travay nèg sa yo pou bouke gen moun ki pran yo oserye.

Manzè Choublak

Post Reply