Danny Toussaint (DT) kom Prezidan!

Post Reply
T-dodo

Danny Toussaint (DT) kom Prezidan!

Post by T-dodo » Fri Feb 11, 2005 6:47 pm

Ki sa ou panse? Jodi a, mwen tande DT sou yon radyo Miami, Karfour de Alex St Surin, ki tep reponn kesyon. Daprè sa m tande, DT gen yon nouvo platfòm yon pati politik ki rele "Modere." Lan pati an gen tou Wesner Sonson. Platfòm pati an trè bèl. Li preche unyon, rekonciliasyon, kompetens, respè pou libèté laprès, itilize sèlman moun eklere lan administasyon li ke li rele "elit eklere" el. Misye pale byen tankou yon moun ki trè entelijan. Sepandan, mwen pa konnen si gen bagay pou sipòte pawol li yo.

Li di tou ke eleksyon se dènye bagay nou sipoze fè. Premye an se rezoud pwoblèm sekirite ak pwoblèm ekonomik nan. Men tou, oditè radyo an poze misye anpil kesyon sou yon deklarasyon mysie te fè avan Aristid ale. Li te di ke li ka rezoud pwoblèm sekirite lan nan 48 hè. 2 jou wi! Li esplike ke li kwè anpil lan entèlijans - m vle di "espionaj" - pou pèmèt li antre nan kay moun pa fòs pou desame yo. Ki vle di, mis
ye gen lè pa gen pwoblèm pou itilize aksyon ki pa legal pou rezoud pwoblèm peyi a. M'ta renmen konnen ki sa nou panse de deklarasyon sa yo e ki jan de prezidan misye ta fè, malgre ke li poko poze kandidati li daprè sa m tande? M ap mande si se pa misye yo te akize ki tiye Jean Dominique. Si se vre, fò misye reponn kesyon sa. Kesyon tou men genyen, eske lan pase misye deklarasyon li fè yo an amoni avè yo?

Jean-Marie

Post Reply