TANBOU DJENMBE KA LA

Post Reply
Widy_

TANBOU DJENMBE KA LA

Post by Widy_ » Sun Jul 24, 2005 4:53 pm

Tanbou djenmbe ka la se youn tanbou ki ase spesyal an jan ay, piskè li se oun envention san vrèman li se youn.

A lorijin tanbou djenmbe se oun tanbou afriken li ye, e se sitou nan anpi mandeng, kè nou tande pale plis dè li, èvè zafè a griyo a yo.

Apwe sa yo di kè li vini oun standa tanbou nan tou lafrik de louès la.

Byen kè tanbou tala se oun obje dè dekorasyoun nan plen peyi lewòp ki fè kè kounyela, ou pe touve oun tanbou djenmbe nenpòt ki peyi lewòp men gen orijinal e endistriyèl plis tout zafè pou konnen si li boun pou jwet tanbou ou pou dekorasyoun.

Yo ka kouyonne plen moun konsa.

Tanbou djenmbe la divini djenmbe ka, lè gwadloupeyen adapte-y an tanbou a yo ki fè kè yo modifye kòdaj ay, pou rann li plis kon tanbou an nou, e li gen menm montaj ki oun tanbou tipik gwo ka.

Si mwen ka pale zòt dè sa, se kè m gen mwenmenm anmwen oun djenmbe ka ki ka pèmèt mwen pòte de ti presizyoun asou
-l.

Tanmwenla menm li gen doub avantaj sètadi li se oun bèl tanbou bwa fouye, èvè dekorasyoun si bwa la, men an plis li gen oun soun èsèpsyonèl.

Lò nou sere djenmbe ka la li gen oun soun kè nou pani an gwoka la piskè soun egi ay lontan pli egi ki gwoka la, men li ka ba ou plis fasilite pou fè de fraze kè ou ke fè èvè difikilte si tanbou gwoka nou la.

Soun egi ay pe gen oun tenb kon timbalès, men an menm tan li ka ba ou avantaj pou fè woulman akselerasyoun epi rèpriz an tan.

Tanbou an la menm ka kouvè 5 tanbou ki ka jwet an menm tan, pou di zòt kè li gen kòf menm.

O nivo soun medyòm ay, se ankò oun bèl plezi, piskè li gen oun richès kè ou pepa touve nan dòt tanbou ankò.

Li ka ba ou tout oun plaj a soun (menm de soun kè ou poko janm tann an vi a ou) ki fè kè asi-y, ou pe kenbe plis ki 1/2 è nan solo e tout soun a-ou ka sòti bèl.

Soun grav ay, se menm biten, li gen oun soun bass kè ou pa gen nan dòt tanbou, piskè ou ka jwet adan òktav pli grav ki se zòt la.


nAn plis dè se twa lechèl tala, ou gen oun soun bass grav fondamental ki ka fè fòs a li e lè ou ka foure tousa nan kontèks gwo ka la, mezanmi li ka ba ou de posibilite dè devlòpman kè ou pana ayè si dòt tanbou.

Se konsa kè nou pedi kè tanbouye gwadloupeyen fè evoliye oun lo tèknik djenbe yo piskè yo rive sòti de bagay ki pateka ègziste avan ni an gwo ka e ni an mizik afriken la.

Sa menm se oun dòt deba li ye piskè ki moun ki pe di kè tèl fraze nouvo, ou ansyen, ès kè tousa nou ka fè la menm pateja koni an lafrik menm, ou ankò ki biten ki tan nou, e ki biten ki afriken adan-l ? pou mwen tousa se menm kilti afriken li ye.

A tit dègzanp, oun boug pe rive fè ba ou si de triyole dè ka dè tan, sòti Oun fondamantal bass, plis 3 seri medyòm woule plis de detache an soun egi, mezanmi, fò tann sa pou kwè sa.

Se menm jan ankò, si de woulman anchene, yo ka rive fè sòti jòs si oun tyè dè kwòch, pli gran nòt grav a djenmbe ka la, men ès kè se nou ki envante sa oubyen ès se pa oun biten kè nou
ka yenki transmèt ?

Post Reply